Related Videos

Tragjedia Gërdec / Vorë / Tiranë / Shqipëri
Në Prishtinë mbahen homazhe në shenjë respekti për viktimat e Gërdecit Sonte në Prishtinë është organizuar mbajtja e homazheve në shenjë nderimi të viktimave në tragjedinë që ndodhi dje në fshatin Gërdec të Vorës, afër Tiranës, ku deri tash u konfirmua se humbën jetën 8 qytetarë. Homazhet janë nisur nga konviktet në Prishtinë në ora 19:00, përderisa homazhet qendrore do të mbahen te Teatri Kombëtar në ora 19:30. Më pastaj, nga Teatri Kombëtarë me homazhe do të vazhdohet deri te Ambasada e Shqipërisë në Prishtinë Homazhet organizohen nga këto organizata: Unioni i Studentëve Shqiptarë Lëvizja VETËVENDOSJE! Këshilli për Mbrojtjen e të Drejtave dhe Lirive të Njeriut Bashkimi i Sindikatave të Pavarura të Kosovës Rrjeti Rinor ÇOHU Klubi Politik "Afrim Zhitia" Iniciativa e Bashkuar Qytetare e Llapit 26 Marsi 1999 Lëvizja për Bashkim Shoqata e të Burgosurve Politik Thirrjet e Nënave Sindikata e Minatorëve të Trepçës Lëvizja Kombëtare për Çlirimin e Kosovës Shqiptarët e Luginës dhurojnë gjak, në ndihmë të viktimave të tragjedisë së Gredecit Shqiptarëte Luginës së Preshevës, janë grumbulluar në mënyrë të organizuar në dhurimine gjakut për bashkombasit e Gredecit. Gjaku po ipet në Qendrën Spitalore të Gjilanit, nën organizimin e Qendrës Ndërkombëtare Humnitare të Preshevës. Qeveria e Kosovës ndau 50 mijë euro në ndihmë të qytetarëve të Gërdecit Institucionet dhe populli i Kosovës, si dhe KFOR-i janë solidarizuar me banorët që pësuan nga tragjedia e Gërdecit dhe u kanë dalur në ndihmë atyre. Qeveria e Kosovës ka dhënë një ndihmë prej 50 mijë eurosh për qytetarët që pësuan. KFOR-i transportoi dozat e gjakut, të dhuruara nga kosovarët, për të plagosurit në Gërdec të Vorës Ushtaret e KFOR-it transportuan një mjekë dhe furnizime gjaku për të ndihmuar viktimat e se shtunës, pas një shpërthimi në depot e municionit në Gërdec të Vorës, në Shqipëri. Helikopteri u nis nga Prishtina në drejtim të Tiranës, mbrëmjen e se shtunës, "Gjaku u dhurua nga qytetaret e Kosovës" tha zëdhënësi i Trupës Multinacionale te Lindjes. Në Qendrën Kombëtare për Transfuzion të Gjakut të QKUK-së vetëm dje janë grumbulluar 547 doza gjaku. "Roli jone është për të ofruar transportin për gjakun dhe mjekun. Helikopterët janë mundësia me e shpejte për ta bere këtë", thuhet në një komunikatë për opinion të lëshuar mëngjesin sotëm nga Kampi, Bonstill ku janë të vendosur paqeruajtësit Amerikan. Vetëm në Qendrën Kombëtare për Transfuzion të Gjakut të QKUK-së, falë vullnetit të mirë dhe solidaritetit me të plagosurit në tragjedinë e Gërdecit, të shtunën janë grumbulluar 547 doza gjaku, ndërsa në Tiranë mbrëmë janë dërguar 300 doza. Qendra Kombëtare për Transfuzion të Gjakut është ende në gjendje emergjente dhe është e gatshme që, për në Tiranë të dërgojë sasi të mjaftueshme të gjakut.